فن ومنوعات

ياسمين عبد العزيز عودة من رحلة الموت.. كوابيس.. تجهيز للتربه.. خروج الامعاء..ويأس من الألم

ياسمين عبد العزيز بعد أزمتها الصحية "هنغني كمان وكمان وهنرقص على الأحزان"

كتبت: أسماء حسني 

ظهرت الفنانه ياسمين عبد العزيز لأول مرة بعد ازمتها الصحيه الأخيره ضيفه برنامج معكم التي تقدمه الإعلامية منى الشاذلي يوم الاربعاء.

وتحدثت ياسمين عبد العزيز عن معاناتها الفتره الأخيره من خلال الأزمة الصحيه التي مرت بها وتعتبر حلقه امس هي الجزء الأول من هذا اللقاء.

و سوف يعرض الجزء الثاني مساء يوم الخميس مع زوجها الفنان أحمد العوضي.

واستقبل الجمهور ياسمين عبد العزيز من خلال الحلقه بالتصفيق الحار.

و قالت في بدايه كلامها( مكنتش عارفه اني في يوم هطلع في برنامج اتكلم في حاجه زي كده كنت داخلة اعمل عمليه بسيطه جداً).

(مش اول مره عملها عملتها خمس مرات وكنت اعملها وامشي على طول و اروح شغلي و محدش يعرف حاجه)

وتابعت( كان الدكتور بيقولي ازاي تستحملي الوجع ده إنتي بطلة، وانا بطبعي مش شكايه روحت اعمل العمليه قلت للدكتور هتاخدي قد إيه قال ساعتين أو ثلاثه).

(كان معايا أحمد وبنتي وصاحبتي دخلت عملت العمليه وكان في عمليه تانية في نفس اليوم يعني في شهرين عملت أربع عمليات)

واضافت( دكتور التجميل بيجمل بطني طلعت من العمليه بالم رهيب جداً وبصرخ وأقول انا بموت)

وتابعت حديثها و قالت ( في تفاصيلها مش فاكرها من كتر ما كانوا بيدوني مسكنات ومخدر البعض افتكر أني بدلع بعد كام يوم الدكاتره).

(قالوا لو مدخلتش أعمل عمليه بعد ساعه هموت، حدث ثقب في القولون وتسمم في الدم دخلت العمليات وكنت حاسه اني مش هطلع)

وقالت ياسمين خلال الحلقه ايضاً وهي تبكي (وانا داخلة العمليه قلت لاخويا الكبير خلي بالك من ياسمين وسيف).

(لاني كنت حاسه اني داخله مش طالعة ولما دخلت حالتي كانت رايحه خالص و طلعوني من العمليه على العنايه المركزة)

واضافت ايضاً (من بدايه أول عمليه حتى العنايه المركزه كنت في شبه غيبوبه وكل ما انام في العنايه بيجي نفس الكابوس).

(وقررت اني مش هنام مش غمضت عيني، وانا عمري مجالي كوابيس وفي وقت ما في العنايه قلت لهم انا مش قادرة اكمل شيلوا الاجهزه والادويه انا هبقى مرتاحه لو رحت ربنا)

واوضحت ياسمين و قالت (قبل العمليه بأسبوع جاتي رساله من التربي وانا بحب اروح الترب وبتعامل معاها انها بيتي الثاني و انا بطبيعتي بحب اروح اقعد في الترب).

(وبعتلي فيديو وهما يجهزولي التربه وقالي حطيتلك كشاف ياستاذة، انا مش بخاف من الموت واني اروح عند ربنا).

(بالنسبه لي احسن من الحياه اللي عايشينها دلوقتي وكل مشكلتي في اولادي مش عايزه اسيبهم كدة)

وقالت ياسمين ( القولون اتخرم وجالي تسمم في الدم و كنت بموت وفضلت 3 ايام الدكتور اللي انقذ حياتي هو عصام شلبايه وقابلته بعد ما جيت من السفر).

وتابعت(وقالي انا كنت داخل وبعمل العمليه عارف انك هتموتي)

اضافت( كان يوم وقفه عرفات وقتها قام أحمد زوجي كتب بوست على حسابه الشخصي وقال لكل الناس انهم يدعولي).

(وبعد مرور وقفه عرفات اتبدلت بوحده تانيه ردت فيا الروح بدعاء الناس، وخرجوني من العنايه المركزه واصبحت اتحدث بشكل طبيعي)

(حسيت اني بموت مبتكلمش مبتحركش خسيت 15 كيلو من وزني كنت زي المومياء واحده نانيه تماما غير ياسمين عبد العزيز).

وقالت ايضاً (وطلبت منهم يرفعوني عن الاجهزه وابويا قالي يعني ايه هتسيبني لمين)

(و بعد ما طلعت من الاوضة اعدت لمدة شهر حصلت حاجه غريبه أوي ولا بضحك ولا بعيط عندي صدمه).

(من ساعه مسلسل اللي ملوش كبير ما شفتش يوم حلو جاي كورونا مرتين وبعدين الازمات اللي مريت بيها)

(انا اخسيت 15 كيلو وكان تحت عيني أسود أحمد كان بيقولي اوعديني انك تكملي لغايت ماجه يوم عرفه انا فعلا كنت بموت بعد يوم عرفه بقيت انسان ثاني).

(طلعت من العنايه انا واحدة كنت بموت وردت فيا الروح وبعدين طلعت من العناية ببص لقيت امعائي برة شعور غريب جداً)

وثم استعرضت منى الشاذلي في نهايه الحلقه بعض من دعاء الجمهور للفنانه ياسمين عبد العزيز ليتم استكمال الجزء الثاني اليوم الساعة 9 مساءً على الـ CBC.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: